1. بۆ خەوزڕان باشە کاتێ بڕێکی کەم وەردەگیرێ پێش خەوتن (١-٥ میلیگرام).
2. بەرگری لە دروستبوونی نیشانەکانی فڕین بەسەر ناوچە - کات (Time - Zone)، کاتی گەیشتن بەو شوێنە و پێش خەوتن بە ½ کاتژمێر ٣-١٠ میلیگرام دەخوات.
3. نیشانەکانی پیری وەک چرچ و لۆچ بوونی پێست دوا دەخات بە خواردنی ½ - ١ میلیگرام شەوانە پێش خەوتن.
4. لەگەڵ دەرمانەکانی تری پزیشکی بەکاردێت بۆ چارەسەری نەخۆشی ئەلزهایمەر، بەڵام بۆ نەخۆشی ڕەقبوونی کۆمەڵی تاوەکو ئێستا بەشێوەیەکی زانستی نەسەلمێنراوە کەوا سوودی هەیە.
5. چارەسەری هەندێ نەخۆشی دەرونی، وەک: خەمۆکی زستانە، سەرئێشەی کلاستەر، پشێوی، هەڵسوکەوتی توندوتیژ، پشێوی میزاج و ناهاوسەنگی، نیشانەکانی پێش لە بێ نوێژی کەوتن.
6. بەرگری لەش زیاد دەکات لەڕێگەی چالاککردنی خانەی بکوژی شێرپەنجە (Killer cells).

زیانەکانی میلاتۆنین

1. پێویستە ڕاستەوخۆ پێش کەوتنە خەو وەربگیرێ چونکە کاتی بەکارهێنانی خەو دایدەگرێت و بەرەنگاری بۆ نیە بۆیە ئەوانەی شۆفێرن ئەو هۆرمۆنە بەکارناهێنن کاتی لێخوڕینی ئۆتۆمبێل و دەزگاکان.
2. ئەو ئافرەتانەی سکپڕن یان شیر بە منداڵ دەدەن.
3. ئەو کەسانەی نەخۆشی شەکرەیان هەیە.
4. لەکاتی دەرکەوتنی نیشانەکانی لە بێ نوێژی کەوتن.
5. ئەو ئافرەتانەی کەوا چارەسەری هۆرمۆنی ئافرەتانیان هەیە (Hormone replacement therapy).
6. نەخۆشیەکانی (خۆ کوژە - خۆخۆرە) کە بریتیە لە شێوانی بەرگری لەش و شەڕکردن لەگەڵ خانەو شانەکانی خودی لەش خۆی (Auto immune disease)، چونكە میلاتۆنین بەرگری زیاد دەکات بەمەش نیشانەکانی نەخۆشییەکە زیاد دەکات.
7. ئەو نەخۆشانەی هێمنکەرەوەکان بەکاردەهێنن پێویستە پێش بەکارهێنانی میلاتۆنین سەردانی پزیشکی تایبەتی خۆیان بکەن.