پەنیر
پەنیر یەکێکە لە پێکهاتە خۆراکییە شیرەمەنیەکان کە بەزۆری خەڵک لە ژەمی بەیانیاندا دەیخۆن و بۆ دروستکردنی چەندین جۆری خواردن بەکاردەهێنرێت، لەڕووی تەندروستیشەوە سودی پەنیر زۆرە و چەندین سوودی گرنگی هەیە.
 |
| پەنیر |
پەنیر یەکێکە لە پێکهاتەکانی شیر پاش ئەوەی لەگەڵ هەندێ لە ئەنزیمات تێکەڵ دەکرێت، ئەو ئەنزیماتانەش لە ڕیخۆڵەی ئاژەڵدا هەیە کە بە شێوەیەکی سروشتی ئەو ئینزیمانە وادەکات شیر کرداری مەیین و پەیت بوونی بێتە سەر پێش هەرس کردن، جا مرۆڤ ئەو کارە لە دەرەوەی گەدەی ئاژەڵ ئەنجام دەدات تاوەکو پەنیر دروست بکات.
جۆرەکانی پەنیر زۆرە و لەلای فەڕەنسیەکان دەگاتە نزیکەی ٣٦٥ جۆر.
پەنیر خۆراکێکی سەرەکی ناوچە ساردەکانە هەروەک چۆن ماست خۆراکی سەرەکی ناوچە گەرمەکانە.
بۆ دروستکردنی پەنیر خوێ و ئاو بەکاردێت تاوەکو ڕێگە بگرێت لە گەشەو زیادبوونی بەکتریا لەناو پەنیر و تێکچوون و هەڵوەشاندنەوەی.
لە هەندێ جۆر پەنیر ئاوی هەر تیا نیەو وشک دەکرێتەوە تاوەکو بەکتریا تیایدا گەشە نەکات.
زۆرجار لەجیاتی ئەنزیمات ئاوی ماست بەکاردەهێنن بۆ دروسکردنی پەنیر چونکە ئەو ئاوە ترشەو شیرەکە دەمەینی.
پێکهاتەکانی
- سەرچاوەیەکی زۆر باشی کانزای کالیسیۆم و فۆسفۆڕ و ڤیتامیناتە
- ڤیتامینی ئەی زۆر تیایە لە دوای ئەو ڤیتامینی دی
- ڤیتامینی بی ١، ٢، ٦ و ڤیتامینی ئی
سودەکانی پەنیر
- بۆ نەخۆشیەکانی پێست و بەهێزکردنی چاو باشە چونکە ڤیتامینی ئەی تیایە
- بۆ بەرگری لە هەوکردنی میزڵدان باشە
- بۆ بەهێزکردنی ددان و ئێسقان باشە
- بۆ دروستکردنی خڕۆکە سوورەکان و گەشەو بەهێزکردنی دەمارەخانەکان باشە چونکە ڤیتامینی بی ١٢ تیایە
- بۆ بەهێزکردنی قژی سەرو پێست باشە
- ترشی ناو گەدە هەڵدەمژێ بۆیە دوای خواردن دڵەکزێ لادەبات
- هێمنکەرەوەی دەروونی ناهاوسەنگیە
- کێش زیاد دەکات و زیرەکی و بیرتیژی دەکات
- بۆ هەوکردنی گەدەو ڕیخۆڵە باشە
زیانەکانی پەنیر
زۆر خواردنی پەنیر ئەم زیانانەی هەیە:
- پەستانی خوێن زیاد دەکات
- دەبێتە هۆی هەستیاری، هەندێ کەس هەستیاریان هەیە بە پەنیر
- مەترسی تووشبوون بە نەخۆشیەکانی دڵ زیاد دەکات
سەرچاوەکان
- سەرپەرشتیارانی ماڵپەڕی زانیاری گشتی
- پەرتووکی تەندروستی و ژیان، چۆن وا بکەین خۆراکمان ببێتە خواردن و دەرمان
إرسال تعليق