تۆڵەکە (تۆلکە)
تۆڵەکە بە ئینگلیزی "Malva, Mauve" و بە عەرەبی "خباز، خبازة، خبازى، خبيزة"، سودی تۆڵەکە جۆراوجۆر و زۆرە و بە کوڵاوی یاخود بە وشککراوەیی سوودی لێوەردەگیرێت هەروەها ئاوەکەی بۆ چەند نەخۆشییەک بەکاردێت..webp "تۆڵەکە (تۆلکە)")
.webp "تۆڵەکە (تۆلکە)")
بەشەکانی بەکاردێن: ڕەگ و گەڵا و گوڵە نەپشکوتووەکانی.
مێژوو و سەرچاوەی
لە گشت جیهاندا هەیە لە نزیک گۆمە ئاوەکان و ئەو شوێنانەی نەکێڵدراون.
لە کۆنەوە وەک خۆراک و دەرمان بەکارهاتووە، سەری خونچە گوڵەکانی دەخورێت و کاتی خۆی زانا فیساغۆرس خواردوویەتی وەک هێمنکەرەوەی دەروون و پەشۆکاوی و ئارەزووی جینسی، هەروەها وەک خەم ڕەوێنەوە بەکارهاتووە، ئیمپراتۆر شارلمان فەرمانی دەرکرد بە چاندنی تۆڵەکە لە باخچەکەیدا.
ڕۆمانیەکان بەکاریان دەهێنا بۆ چارەسەری گشت نەخۆشیەک بۆیە ناویان نا (Omniomorbia).
پێکهاتەکەی
- شلەی لیکاوی ئەو ڕووەکە (Mucilage) ڕێژەیەکی زۆری لە ماددەی (گلۆکۆسامین و ئۆسۆساینین - Glucosamine & Authocyanin) کە زۆر بەسوودن بۆ شانەی کڕکڕاگەکان
بەکارهێنانی پزیشکی و سوودەکانی
تۆلەکە یەکێکە لە ڕووەکە بەهارییە بەسوودەکان
- بەکاردێت بۆ کەمکردنەوەی ئازاری گەرو و لەوزەو هەڵامەت، لەسەر شێوەی گیراوەو دەم شووشتن
- نەخۆشیەکانی کۆئەندامی هەناسە وەک : کۆکەو هەناسەتەنگی و لابردنی تف لە گەروو
- زیادکردنی میزو پاککردنەوەی گورچیلە لە ووردە بەرد
- چارەسەری قەبزی و برینی کۆئەندامی هەرس و کەمکردنەوەی باوبژو ئازار
- بەرگری لە هەوکردنی پێست دەکات، هەروەها بۆ زیادە هەستیاری پێست و پێوەدانی مێروولەش بەکاردێت
- دوای کوڵانی گەڵاکانی بەکاردێت وەک پاککەرەوەیەک بۆ کۆئەندامی زاوزێ
- هەندێ ماددەی دژە بەکتریاو کەڕو ڤایرۆسی تیایە بەتایبەتی ئەوانەی سەر پێست
- بەکاردێت وەک هێمنکەرەوەی دەروون و پەشۆکاوی و ئارەزووی جینسی، هەروەها وەک خەم ڕەوێنەوە بەکاردێت، بەمەش ئەو قەڵەوییەی لە ئەنجامی نەخۆشی تووشی دەبێت کەمی دەکاتەوە
- بەرگری لە نەخۆشیەکانی دەم و ددان و پووک دەکات
سودەکانی ئاوی تۆڵەکە
- هەوکردنی ناودەم
- کۆکەی وشک
- سییەکان لە بەڵغەم پاکدەکاتەوە
- بۆ ئەنفلۆنزا باشە
- بۆ مایەسیری باشە
- هەوکردنی کۆئەندامی هەناسە
- میزەڕۆ پاکدەکاتەوە
سەرچاوەکان
- سەرپەرشتیارانی ماڵپەڕی زانیاری گشتی
- پەرتووکی تەندروستی و ژیان، چۆن وا بکەین خۆراکمان ببێتە خواردن و دەرمان
إرسال تعليق