هەزاران جۆر دژە ئۆکسێنەر هەیە بەڵام ئەوانەی کە زۆر باون لە خۆراکدا (ڤیتامین ئەی، E, C و بێتا کارۆتین و لایکۆپین.

بریتیە لەو ئەنزیم و کانزاو ترشی ئەمینییانەی لەشمان دەپارێزن لە ووردیلەی سەربەست و چالاکی ئەو وردیلانە دەوەستێنن. زۆر جاریش پێیان دەڵێن (پیاوە باشەکان - Good guys).

ووردیلەی سەربەست (Free radicals): ئەو ووردیلانەن کەوا پەیوەستن بە ئۆکسجینەوەو ناجێگیرین و کاریگەرێکی تێکدەری بەهێزیان هەیە لەسەر لەش. دروست دەبن لەناو لەش لەئەنجامی کارلێکە کیمیاویە جیاجیاکانی ناو لەش. ئەوانەش هێرش دەکەنە سەر خانەکان و کاری ئەکسەدەی ناڕێک و نادروستی تیایدا ئەنجام دەدەن و هۆکارن بۆ تێکشکانی خانەکان و کەمبوونەوەی بەرگری و تووشبوونیان بە شێرپەنجە. بۆیە زۆر جار پێی دەڵێن (پیاوە خراپەکان - Bad guys).

سێیەم: دەوروبەرو ژینگەو پاڵەپەستۆی سەر لەش.

- پیس بوونی ژینگە: وەک جگەرە کێشان و عەرەق خواردنەوە.

- چوونە ناو تەمەن و وەرزشی زۆر توندو تیژ.

- جۆرەها تیشکی ئەتۆمی.

لەش بۆئەوەی بەرگری لەو وردیلانە بکات و تا ڕادەیەک کۆنترۆڵی بکات ئەوا ئەوا هەندێ ماددە دروست دەکات یان لە خۆراک وەریدەگرێت بۆ ئەوەی زیانی کەم بکاتەوە، ئەوانەش بریتین لە هەندێ ڤیتامین و کانزاو ئەنزیمات وەک ڤیتامینی (ئەی وسی و ئی) و ئەلفا و بێتا کارۆتین و ترشی لیپۆیک و میلاتۆنین و گلوتاسیۆن و کانزای وەک زینک و سلینیۆم و ئەنزیمی وەک پایرۆکسیدەیز و سۆپر ئۆکساید دیسمیوتەیز و زۆری تر.

زۆربەی ئەو خۆراکانەی کەوا بەرگری لەو وردیلانە دەکەن و بۆ نەخۆشی شێرپەنجە باشن باسمان کردووە و پێویست بە دووبارە بوونەوەی ناکات و خوێنەر دەتوانێ بۆی بگەڕێتەوە.