کەلەرم
کەلەرم بە ئینگلیزی "Cabbage" و بە عەرەبی "كرنب، ملفوف"، سودی کەلەرم زۆرە و هاوشێوەی سەوزەکانی تر دەوڵەمەندە بە ڤیتامین و کانزاکان و دژی شێرپەنجەیە و تەندروستی دڵ دەپارێزێت.
 |
| سوودەکانی کەلەرم |
بەشەکانی بەکارهاتوو: هەموو ڕووەکەکە.
مێژووی
سەرچاوەکەی لە ئەوروپاوەیە، خۆی ڕووەکێکی کێویەو لەسەر ڕۆخی زەریای ئەتڵەسی دەڕوێت و جۆرەکانی زۆرن.
کاتۆن (Caton) دەڵێ : ڕۆمانەکان زۆر بەکاریان هێناوەو وەک دەرمان بۆ زۆرێک لە نەخۆشییەکان بۆ ماوەی ٦٠٠ ساڵ.
ئەبسیۆس (Abbsios) دەڵێت : ئەگەر دەتەوێت ئەو خواردنەی دەیخۆیت نۆشی گیانت بێت پێویستە پێش دەستپێکردنی هەندێ کەلەرم بخۆیت.
زانا لیکلیرک دەڵێت : کەلەم بۆ نەخۆشی ڕۆماتیزم باشە.
خەڵکی دوورگەی بەریتانیە کە سەر بە فەڕەنسایە و لەناو زەریای ئەتڵەسیە هەموویان لەشیان ساغەو چالاکن چونکە کەلەرم زۆر بەکاردەهێنن.
دوو جۆری سەرەکی هەیە، سەوزو سووری مۆرباو(کەلەرمی سور).
کەلەرمی سپی دەکرێتە زەڵاتەوە (زەڵاتەی کەلەرم) و دەخورێت و سوودێکی هێجگار زۆری هەیە.
پێکهاتەکەی
- ئاو ٨٥٪
- کاربۆهیدرات ٧٪
- ڕۆن ٠.٥٪
- ئازۆت ٣.٨٪
- کانزای وەک : کالیسیۆم و فۆسفۆڕو یۆدو گۆگردو پۆتاسیۆم و مەگنیسیۆم
- ڤیتامینەکانی (ئەی وبی وسی وکەی)
- هەندێ ماددەی گلۆکۆسایدی تیایە کە بۆ شەکرەو دژە هەوکردن باشە، هەروەها پرۆتینی لایسین و گلوتامینی تیایە
سودەکانی کەلەرم و بەکارهێنانی
خواردنی کەلەرم ئەم سوودانەی هەیە:
- هەوکردنی سییەکان و بۆری هەواکان
- ئارەزووی خواردن زیاد دەکات و ڕەوانی دەکات و زۆرجاریش بۆ سکچوون بەکاردێت، و بۆ کوشتنی هەندێ لە کرمەکانی ڕیخۆڵەش دەبێت
- میزکردن زیاد دەکات
- شەکرە کەمدەکاتەوە
- بۆ برین و سوتانی پێست باشە
- بۆ تەندروستی ددان و پووک و نینۆک باشەو ئازاری ڕۆماتیزم کەمدەکاتەوە
- قژ بەهێز دەکات
- نەخۆشیەکانی سەرماو هەڵامەت
- بەرگری نەخۆشی شێرپەنجە دەکات
- بۆ چارەسەری نەخۆشی شاهانە (داء الملوك) باشە
زیانەکانی کەلەرم
لەم حاڵەتانە واچاکە بەکارنەهێنرێت:
- ئەوانەی نەخۆشی گورچیلەیان هەیە چونکە کالیسیۆم و کانزای تری زۆر تیایە
- بۆ ئەوانەی نەخۆشی کۆڵۆن و نەخۆشی دەروونی و نەخۆشی شەقەسەریان هەیە
- بۆ نەخۆشیەکانی دڵ و جەڵتەی دڵ چونکە ڤیتامین (کەی) زۆر تیایە (کە هاوکاری مەینی خوێن دەکات)
سەرچاوەکان
- سەرپەرشتیارانی ماڵپەڕی زانیاری گشتی
- پەرتووکی تەندروستی و ژیان، چۆن وا بکەین خۆراکمان ببێتە خواردن و دەرمان
إرسال تعليق