• ژمارەیەک لە کانزای بەسوود: کالیسیۆم و فۆسفۆڕو ئاسن، بڕی ئەو کانزایانە لە پیاز زۆر زیاتر لەوەی لە سێودا هەیە، کالیسیۆمەکە ٢٠ جار زیاترە، فۆسفۆڕەکە دوو بەرامبەرەو ئاسن و ڤیتامین (ئەی) تیایدا سێ بەرامبەرە
• ژمارەیەک لە ڤیتامینەکان: ئەی، سی، ئی
• گلۆکوتین و فلافینویدز (Gluconin & Flavanoids)
• ئەنزیمی ئوکسیدیز و دایەیستەیز (Oxidase & Diastase Enzymes) : ئەو دوو ئەنزیمە لە پیازی تەڕدا هەیە و بەبێ کوڵان بیخۆیت، کە سوودیان هەیە بۆ زیادکردنی میزکردن و هێنانە خوارەوەی ئاوی سک (Ascites) و بەرگری لە بە شەمێ بوونی جگەر (تشمع الكبد) دەکات

1. پیاز بەکاردێت بۆ بەرگری لە تەسکبوون و ڕەقبوونی بۆڕییەکانی خوێن (Arteriosclerosis)، بەتایبەتی ئەوانەی دڵ و دەماخ، بەمەش جەڵتەی دڵ و مێشک کەم دەبێتەوەو پەستانی خوێنیش دادەبەزێ
2. پیاز ئارەزووی خواردن زیاد دەکات و لیکاو دەرژێنێ و پشێوی لە کۆئەندامی هەرس کەم دەکاتەوەو هاوکارە بۆ دەرهاویشتنی باوبژو ڕەوانی زیاد دەکات
3. کرداری میزکردن زیاد دەکات و هۆکارە بۆ توانەوەی ووردە بەردو بەردی زەرداو و کەمکردنەوەی هەوکردنی گلاندی پرۆستات
4. کاتی سەفەر کردن کۆئەندامی هەرس توشی پەشێوی دەبێت بەهۆی گۆڕانی کەش و هەواو خۆراک، ئەمەش دەبێتە هۆی دڵهەڵچوون و سکچوون و ڕشانەوە، ئەم نیشانانە ناسراون بە (نەخۆشی سەفەر - Travelers disease)، گەر پیاز بەکاربهێنرێ ئەوا چارەسەری ئەم نەخۆشییە دەکرێت
5. دژی هەوکردنی سییەکان و بۆڕییەکانی هەواو کۆکە، هەندێک لەو دەرمانانەی بۆ کۆکەی تەڕ بەکاردێت کە ماددەی (کاربۆسیستین - Carbocysteine)ی تیایەو لە پیاز وەرگیراوە
6. بۆ چارەسەری هیشکەبیرۆ و دەردە ڕێوی و قژ کەوتن بەکاردێت، چ بەهۆی خواردن یان کرێم و گیراوە، بەڵام بەشێوەی خواردن باشترە
7. چالاکی جگەر زیاد دەکات و بەهۆی بوونی ماددەی (سیستین - Cysteine) تیایدا ئەویش بریتییە لە پرۆتینە زۆر پێویستەکان بۆ لەش کە لەش ناتوانێ خۆی دروستی بکات بەڵکو دەبێت لە خۆراکەوە وەری بگرێت، ئەم جۆرە پرۆتینانە پێیان دەڵێن پرۆتینە سەرەکیەکان و پێویستەکان (Essential Lipoprotein)
8. ئارەزووی خواردن زیاد دەکات و چالاکی لەش زیاد دەکات، بۆیە کاتی خۆی فیرعەونەکان پیازیان دەدایە ئەو کرێکارانەی ئەهرامەکانیان دروست دەکرد، هەرسی خواردن زیاد دەکات و جووڵەی ڕیخۆڵەش ڕێکدەخات
9. خواردن و بۆنکردنی چارەسەرە بۆ هەڵامەت و ئینفلۆنزا
10. باشە بۆ نەخۆشیەکانی گوێچکەو بێ هێزی بیستن، بەهۆی خواردنی یان وەک دڵۆپ بەکارهێنانی
11. باشە بۆ بەهێزکردنی بینین و بەرگری لە نەخۆشی ئاوی سپی (ساد العين - Cataract)، بەهۆی بەکارهێنانی وەک کلی چاو
12. بەهۆی بوونی ماددەی سیلینیم لەناو پیاز وادەکات خوێن شل بکاتەوەو بەرگری جەڵتە بکات (Thrombosis)
13. ڕێژەی چەوریە خراپەکانی وەک کۆلیسترۆڵ و چەوری سیانی و ئەوانی تر کەم دەکاتەوە لەناو خوێن و چەوریە باشەکەش کە (HDL) زیاد دەکات
14. بەرگری لە شێرپەنجە دەکات بەگوێرەی لێکۆڵینەوەکانی پەیمانگای نیشتمانی شێرپەنجە لە ئەمریکا (National Cancer Institute) بەتایبەتی شێرپەنجەی گەدەو مەمک و سییەکان و پرۆستات، ئەمەش بەهۆی بوونی ماددەی سیلینیۆم و کوارسیتین (Quercetin)ە لەناو پیازدا
15. بەهۆی زیادکردنی چالاکی خانەو شانەکان وادەکات پیری دووربخاتەوە
16. خەو هێمن و ئارام دەکات
17. بۆڕییەکانی خوێن فراوان دەکات بۆیە باشە بۆ نەخۆشی لەرزەو جەڵتەی دڵ و مێشک
18. چالاکی جینسی زیاد دەکات بەتایبەتی پیازی خاو
19. هۆکاری کەمکردنەوەی ئازاری ڕۆماتیزم و ئازاری ڕەقبوونی جومگەو ماسولکەکانن
20. شەکری ناو خوێن کەمدەکاتەوە بۆیە بۆ نەخۆشی شەکرە بەسوودە

زیانەکانی پیاز

1. مایەسیری پلەی دوو (کە خوێن دادەنێ)
2. هەوکردن و برینداربوونی گەدەو دوانزەگرێ، بەتایبەتی گەر خوێنبەربوونی هەبوو (Gastric & Duodenal Ulcer)
3. نەخۆشی لاسەر ئێشە (الشقيقة - Migrain)
4. نەخۆشیەکانی خوێن
5. دابەزینی پەستانی خوێن

سودەکانی ئاوی پیاز

1. چارەسەری پەستانی خوێن دەکات
2. ڕێژەی شەکر لە خوێندا کەم دەکاتەوە
3. پارێزگاری لە دڵ و دەمارەخانە دەکات
4. سوڕی خوێن چالاک دەکات
5. بەرگری لەش بەهێز و زیاد دەکات
6. چارەسەری ئاوی سپی چاو
7. توانای جینسی پیاو زیاد دەکات
8. مێشک بەهێز دەکات
9. پیاز بۆ قژ بەسوودە بەجۆرێک ڕێگری دەکات لە هەڵوەرینی قژ