برنج
برنج بە ئینگلیزی "Rice" و بە عەرەبی "أرز"، برنج لە زۆربەی وڵاتاندا بەکاردەهێنرێت و دەخورێت، و سەرچاوەکەی ئاسیاییە بەتایبەتی چین و هیندستان لەوێوە بڵاوبۆتەوە بە سوریا و ئەفریقا و ئەمریکا.
 |
| پێکهاتەی برنج |
بەشی بەکارهاتووی: دەنکەکەی.
مێژوو و سەرچاوەی
ڕووەکێکی ساڵانەیە و سەرچاوەکەی لە ئاسیاوەیە بەتایبەتی چین و هیندستان و ئیندۆنیزیا، هەر لەوێوە بڵاوبۆتەوە بۆ سوریا و ئەفریقا و ئەمریکا، لە سوریاوە بە دەریای سپی ناوەڕاستەوە گەیشتۆته ئەوروپا، ئێستا لە ئیتاڵیاو ئیسپانیا دەچێنرێ و کەمێکیش لە بەریتانیا، لە جیهاندا ١٥٠ جۆری هەیەو لە هیندستان ٥٠-٦٠ جۆری هەیە، بۆ چاندنی برنج زەویەکی تەڕو ئاوێکی زۆری دەوێت و لەناو زۆنگاوەکانیش دەبێت، کەم جۆری هەیە لە زەوی ووشک و کەم ئاوی بڕوێت.
پێکهاتەی برنج
- نیشاستە ٧٨٪
- ئاو ١٢.٥٪
- پرۆتین ٣٪
- ڕۆنی ڕووەکی ٣٪
- کانزای وەک پۆتاسیۆم و سۆدیۆم و کالیسیۆم و مەنگەنیز و فۆسفۆڕ و کبریت ویۆدی تیایە
- ڤیتامین (ئەی، بی، ئی) تێدایە
بەکارهێنانی پزیشکی و سوودەکانی
سودەکانی برنج
- سەرچاوەیەکی سەرەکی خۆراک و وزەیە
- سووکە لەسەر گەدەو بە ئاسانی هەرس دەکرێت
- بۆ سکچوون باشە چونکە پۆتاسیۆمی تێدایە
- ئاوی برنج پاش کوڵان بۆ نەرم کردن و ڕوونی پێست باشە
- ئاوی برنج و کەمێک شەکرو لیمۆ بۆ دابەزینی تاو گەرما بردن و هەوکردن باشە
- بۆ نەخۆشیەکانی گورچیلە باشە وەک بوونی پرۆتین لەناو میزو کەمبوونەوەی چالاکی گورچیلە
- هۆقنەی دامەن بە ئاوی برنج باشە بۆ چارەسەری برین و هەوکردنی ڕاستەو کۆم
- ئاوی برنج بۆ چارەسەری سووتانەوەی پێست و ڕۆژبردن باشە
- بۆ چارەسەری سکچوون باشە بەتایبەتی لە منداڵان بەتایبەتی ئەوانەی شیری چەور وەردەگرن
- فاسۆلیا زیانەکانی برنج کەمدەکاتەوە بۆیە واباشترە فاسۆلیا و برنج پێکەوە بخورێت
زیانەکانی برنج
زیانەکانی زۆر خواردنی برنج:
- بەرزکردنەوەی فشاری خوێن
- هۆکاری شەکرەی جۆری دووەم
- کێشی جەستە زیاد دەکات
- ڕێگری دەکات لە بڵاوبوونەوەی ڤیتامینەکان و ماددە کانزاییەکان
- کالۆری برنج : برنج کالۆریەکی زۆری تێدایە بەشێوەیەک هەر کوپێک برنج دوای کوڵانی ١٠٠ کالۆری تێدایە
سەرچاوەکان
- سەرپەرشتیارانی ماڵپەڕی زانیاری گشتی
- پەرتووکی تەندروستی و ژیان، چۆن وا بکەین خۆراکمان ببێتە خواردن و دەرمان
إرسال تعليق