هەنار
میوەی هەنار میوەیەکی بەتام و خۆشە، هەنار بە ئینگلیزی "Pomegranate"، خواردنی هەنار سوودێکی زۆری هەیە بۆ جەستە و سودی هەنار ئێجگار زۆرە چونکە میوەیەکی دەوڵەمەند بە کانزاکان و ڤیتامینەکان و دژە ئۆکسانە.
 |
| وێنەی هەنار. |
بەشی بەکارهاتوو: بەرەکەی، توێکڵەکەی، دەنکەکەی.
مێژووی
بە لاتینی بەم میوەیە دەووترا (Malus Punica)، هەنار لە قورئانی پیرۆز ناوی هاتووە، لەسەردەمی یەهودیەکان بەکارهاتووە لە بۆنە ئایینیەکانەوە، لەلایەن ئەگریک و ڕۆمەکان و فیرعەونەکانەوە ناسراوەو وێنەی هەیە لەسەر دیوارە نەقشکراوەکان.
سەرچاوەی سەرەکی هەنار ئاسیایە بەتایبەتی وڵاتانی فارس و هند.
لەڕێگەی سوریاو لوبنان و فەڵەستینەوە گەیشتە باکووری میسرو وڵاتانی دەریای سپی ناوەڕاست.
هەنار لە وەرزی (وەرزی هەنار) پاییزدا پێدەگات و لە ناوچە گەرمەکان و کوێستانەکان دەڕوێت، و دار هەنار لەڕێگەی قەڵەمەوە (قەڵەمی هەنار) و ڕەگەوە دەچێنرێ.
جۆرەکانی هەنار
سێ جۆر هەنار هەیە :
- هەناری ترش دەکرێتە روبە هەنار
- هەناری مامناوەندی بۆ خواردنە
- هەناری شیرین کەلە سوریاو لوبنان زۆرەو خوێ یان شەکرو ئاوی گوڵ بۆ دەنکی هەنار زیاد دەکەن تاوەکو تامی خۆشتر بێت
پێکهاتەی هەنار
- توێکڵی هەنار نزیکەی ٢٢٪ کە ئەو ماددانەی تیایە : Pseudo Pelletierine, Punico Tannic acid, Gallic acid, Mannite, Methyl Pelletierine, Iso Pelletierin
- توێکڵی دارەکەش ئەمانەی تیایە : Tounic acid, Pelletierine Tannate شەکرو لینجە ماددە
سودەکانی هەنار و بەکارهێنانی پزیشکی
- زەیتی هەنار ڕووخسار گەش دەکاتەوە و خانەکانی پێست نوێ دەکاتەوە
- توێکڵی دارەکە بۆ دەبغکردن و بۆیە کردن بەکاردێت
- سوودەکانی هەنار بۆ پێست : پێست نەرم دەکات و ساردی دەکاتەوە
- ماددەی Pelletierine Tannate بۆ کوشتنی کرمەکان بەکاردێت بەتایبەتی کرمی شریتی
- سركەی هەنار هەرس باشتر دەکات
- لە هیندستان بەکاردێت بۆ چارەسەری سکچوون پاش تێکەڵکردنی لەگەڵ ئەفیۆن
- شەربەتی هەنار دژە ئۆکسانە
- بۆ هەوکردنی گەرو و قورقوڕاگە باشە بەوەی شلەی هەنار غەرغەرە پێبکرێت
- هەناری ترش کەمکەرەوەی (ترشی یوریک)ە کە هۆکاری تووشبوونە بە نەخۆشی شاهانە (داء الملوك) کە تووشی ئازاری جومگەکان دەبێت
- بۆ نەخۆشی دڵەکوتێ و زیادی لێدانی دڵ باشە
- هەنار بۆ گەدە : نەخۆشیەکانی گەدە بەتایبەتی پشێوی و هەرس نەکردن
- چالاکی جگەر زیاد دەکات بۆ بەرگری لە نەخۆشیەکانی فایرۆسی
- چارەسەری کۆکە دەکات بەتایبەتی هەناری شیرین
- دەنگی مرۆڤ ڕەوان و ڕوون و خۆش دەکات
- بۆ چارەسەری برین و هەوکردنی پێست باشە
- چالاکی جینسی پیاو کەمدەکاتەوە
- توێکڵی هەنار و خەنە بۆ بۆیە کردنەوەی قژی سەر بەکاردێت
بەکارهێنانەکانی وەکو خواردن
- میوەکە بە پێگەیشتووی
- زەڵاتەی هەنار
- مرەبای هەنار
- ربە هەنار
- سرکەی هەنار
- شەربەتی هەنار
سودەکانی هەنار بۆ ژنی دووگیان
- ئافرەتی دووگیان دەپارێزێت لە قەبزی
- هەرس باشتر دەکات
- ڕێژەی ئاسن لە لەشدا دەپارێزێت لە ئەنیمیا کە کاریگەری لەسەر کۆرپەلە دەبێت
- وزەی پێویست بۆ لەش دابین دەکات
- یارمەتی گەشەی مێشکی کۆرپەلە دەدات و دەیپارێزێت لە تێکچوون
- بەرگری لەشی خانمی دووگیان بەهێز دەکات
سودەکانی زەیتی هەنار
زەیت و توێکڵی هەنار بۆ قژ و پێست بەسوودن
- پێست بە گەنجی دەهێڵێتەوە و دەیگەشێنێتەوە
- پەڵەی ڕووخسار کەمدەکاتەوە
- پێست لە تیشکە زیانبەخشەکان دەپارێزێت چونکە دژە ئۆکسانە
- پێستی مردوو ناهێڵێت
- کڕێشی (تۆشکە)ی سەر ناهێڵێت
سودەکانی ئاوی هەنار
سودەکانی شەربەتی هەنار یان ئاوی هەنار :
- ڕێگری دەکات لە شێرپەنجە
- ڤیتامینی C زۆر تیایە
- ڕێگری دەکات لە وشکبوونی ئێسک و ڕۆماتیزمی جومگەکان
- دڵ دەپارێزێت لە نەخۆشی
- چارەسەری گیران و تەسک بوونەوەی بۆریەکانی خوێن دەکات
سودی سرکەی هەنار
- رووبە هەنار سیستەمی هەرس باشتر دەکات
- ڕێگری دەکات لە توشبوون بە نەخۆشیەکانی شەکرە و شێرپەنجە
- پەستانی خوێن و کۆلیسترۆڵ کەمدەکاتەوە
- نەخۆشیەکانی دڵ و جەڵتەی دڵ کەمدەکاتەوە
- باری دەروونی مرۆڤ باشتر دەکات
- ڕوبە هەنار سیستەمی بەرگری لەش بەهێز دەکات
زیانەکانی هەنار
- ئەو کەسانەی نەخۆشی شەکرەیان هەیە یاخود قەڵەون نابێت هەنار زۆر بخۆن
- زۆر خواردنی دەبێتە هۆی قەبزی، و هەوکردنی گەدەو دیواری گەدە
- هەوکردنی پەنکریاس
- دەنکە هەنار : واباشترە ئەو کەسانەی قەبزییان هەیە دەنکەکەی نەخۆن
سودەکانی توێکڵی هەنار
- کرمی گەدەو ڕیخۆڵە لەناودەبات
- خوێن پاکدەکاتەوە
- بۆ سکچون باشە
- چارەسەری مایەسیری
- چارەسەری ژەهراویبوون
- دڵ دەپارێزێت لە نەخۆشی، هەروەها چەندین سوودی تر ...
سەرچاوەکان
- سەرپەرشتیارانی ماڵپەڕی زانیاری گشتی
- پەرتووکی تەندروستی و ژیان، چۆن وا بکەین خۆراکمان ببێتە خواردن و دەرمان
إرسال تعليق