لە زمانی ئەگریکەکان پێی دەڵێن (Oraganum) ئەویش دوو بەشە: Oros واتە شاخ و چیا و ganos واتە خۆشی و شادی، و باوەڕیان وابوو ئەو ڕووەکە خۆشی دەبەخشێ کاتی تەماشا کردنی لەسەر شاخ و گردۆڵکەکان بەتایبەتی باڵندە بچووکەکانی وەک چۆلەکە زۆر ئارەزوویان لەو ڕووەکەیە، هەروەها وایان گومان دەبرد ئەگەر ئەو ڕووەکە لەسەر گۆڕی هەریەکێک بڕوایە ئەوا مانای ئەوەبوو ئەو کەسە هەتاهەتایە لە خۆشی و شادیە، هەروەها کاتی ژنهێنان لەسەر سەری بووک و زاوایان دادەنا وەک نیشانەی خۆشی.

مەڕ و بزن ئەو ڕووەکە دەخۆن بەڵام ڕەشەوڵاخ زۆر بەلایدا دا ناچێت.

ئەو ڕوەکە بەدرێژایی ساڵ نیە بەڵکو تەنها مانگی نیسان و ئایار هەیە و بەزۆری لە پورتوگال هەیە، بە کەمی لە تونس هەیە هەرچەندە هەندێ جار لەگەڵ خوزامی لێکی جیاناکەنەوە. ئەویش دوو جۆری هەیە خۆماڵی و کێوی. ووشک کردنەوەشی لەبەر سێبەر دەبێت و بۆنی خۆشی هەیە.

باڵندە ناتوانێ بیخوات چونکە تیژو تاڵە بەڵام بۆنی خۆشە.