هەر چەندە گۆشتی بەراز لە هی هەموو ئاژەڵەکانی تر زیاتر دەخورێت لە جیهاندا، بەڵام ڕەنگە مەترسیدارترینیان بێت، چونکە هەندێک مەترسیی گرینگی هەیە کە وەک پێویست ئاماژەیان پێنادرێت، لەوانە:

١. هەوکردنی ڤایرۆسیی جگەر جۆری E: لەنێو وڵاتانی پێشکەوتوودا جگەری بەراز لەسەرووی ئەو خۆراکانەوە دێت کە هۆی گواستنەوەی ئەو جۆرە ڤایرۆسەن.

٢. دەبێتە هۆی زیادبوونی تووشبوون بە نەخۆشیی "multiple Sclerosis" کە نەخۆشیەکی خودەبەرگرییە و تووشی ناوەندە کۆدەمار دەبێت و ئاستەنگ دەخاتە بەردەم گەیاندن و بەوەش وردە وردە لە پەلوپۆکەوتنی لێدەکەوێتەوە.

٣. ئەگەری تووشبوون بە بەمۆمبوون و شێرپەنجەی جگەر زیاد دەکات.

٤. بەکتریای Yersinia دەگوازێتەوە، بەوەش دەبێتە هۆی ژاراویبوونی خۆراک و هەوکردنی جومگەکان.

٥. بەتایبەت ئەگەر باش نەکوڵێنرێت، دەبێتە هۆی گواستنەوەی کرمی Taenia Solium، هەربۆیە بەو کرمە دەوترێت (کرمی شریتی گۆشتی بەراز - Pork tapeworm).

گۆشتی بەراز هەرزانترە لە هی ماڵات، ئەمەیە وادەکات موسڵمانان بەگومان بن لە بەرهەمی دەستی ناموسڵمانان بەوەی بەرهەمەکانیان ڕۆنی بەرازی تێکرابێت.